大圍圍方必試兩間cafe合集! 野田珈琲 + NOC

大圍圍方新開業後都有好多人去行呢個新商場，如果大家鐘意飲咖啡嘅話除咗大品牌Starbucks外，圍方仲有兩間高質嘅cafe 可以選擇。☕️👍🏻 🤎 NOC Coffee Co. NOC Coffee Co. 好多地方都有分店，圍方呢間就位於4樓較中間位置，同其他店舖一樣以白色為設計主調，配上淺灰地下，餐廳最後面有好大嘅落地玻璃窗，大量自然光引入，令到餐廳好舒服，窗前嘅中間位仲有一個樹形嘅螺旋形設計，成為店內最大亮點同打卡位，開揚嘅設計令人覺得特別舒服😌👍🏻。 呢度環境係一貫NOC風格，好光猛同舒適，食物同咖啡都唔錯，有好多選擇。雖然佢嘅咖啡唔係特別有驚喜，但係佢室內環境非常之靚又舒適，所以坐喺度飲咖啡都係一個好好嘅享受！每逢星期六日中午時段，呢間cafe 都會大排長龍，如果想嚟可以早啲到咁唔使等咁耐。😆 NOC Coffee Co. 📍大圍車公廟路18號圍方4樓430號舖 推介程度：❤️❤️❤️❤️ 🤎 野田珈琲 來自日本嘅咖啡店「野田珈琲」依家喺大圍新商場「圍方」The Wail都可以搵到。店舖一樣主打售賣超過65款咖啡生豆，每款都列明咖啡豆嘅詳細資料，包括產地、風味、烘焙度等。而客人更加可以買到即炒嘅咖啡豆。😍 店舖裝修和其他分店一樣，係和風設計加上木系格調嘅擺設，柔和嘅燈光，令環境好舒適。除咖啡生豆外，「野田珈琲」同樣提供不同種類嘅咖啡飲品同食物畀客人享用，也有公共空間嘅長抬可以坐，都可以在店內用餐區堂食！可能因為有即場烘焙嘅咖啡豆，所以覺得佢嘅咖啡特別香濃好飲。😋🥰 野田珈琲生豆專門店＋焙煎 📍大圍車公廟路18號圍方3樓325號舖 推介程度：❤️❤️❤️❤️❤️ #必試 #文青 #高質#咖啡 #NOC #NocCoffeeCo#野田珈琲 #生豆 #生豆專門店 #coffee #cafe #合集 #thewai #圍方 #大圍 #熱門菜式 #打卡 #攻略 #chill #週末 #下次要再食